Ըմբշամարտի ՕԽ վարկանիշային մրցաշարին Հայաստանից կմասնակցի 7 մարզիկ

Փարիզի Օլիմպիական խաղերի համար ըմբշամարտի վարկանիշային վերջին մրցաշարին Հայաստանից կմասնակցի 7 մարզիկ:

Հունահռոմեական ոճի ընտրանու կազմից հանդես կգան Գևորգ Ղարիբյանը (60 կգ), Գևորգ Թադևոսյանը (87 կգ) և Դավիթ Օվասափյանը (130 կգ): Ազատ ոճի ընտրանու կազմից վարկանիշի համար կպայքարեն Հայկ Պապիկյանը (74 կգ), Մուշեղ Մկրտչյանը (86 կգ), Սերգեյ Սարգսյանն (97 կգ) ու Լյովա Գևորգյանը (125 կգ):

Վարկանիշային երկրորդ մրցաշարը կկայանա մայիսի 9-13-ը Ստամբուլում:

Մինչ այս Հայաստանը Փարիզի Օլիմպիական խաղերի համար ըմբշամարտից նվաճել է 5 ուղեգիր` Արթուր Ալեքսանյան, Մալխաս Ամոյան, Սլավիկ Գալստյան, Արսեն Հարությունյան, Վազգեն Թևանյան: