Մոլդովայում մեկնարկել է նախագահական ընտրությունների երկրորդ փուլը

Մոլդովայում մեկնարկել է նախագահական ընտրությունների երկրորդ փուլի քվեարկությունը։ Ընտրատեղամասերը բացվել են 07:00-ին (Երևանի ժամանակով 09:00-ին) և բաց կլինեն մինչև 21:00-ն (Երևանի ժամանակով 23:00-ն), հայտնում է Point-ը:

Երկրի ղեկավարի պաշտոնի համար պայքարում են ներկայիս նախագահ Մայա Սանդուն և նախկին գլխավոր դատախազ Ալեքսանդր Ստոյանոգլոն։ Առաջին փուլի արդյունքներով Սանդուն ստացել էր ձայների 42,49%-ը, իսկ Ստոյանոգլոն՝ 25,95%-ը։

Երկրորդ փուլի ընտրությունները համարվում են կայացած, եթե քվեարկությանը մասնակցում է ընտրողների առնվազն մեկ հինգերորդը։ Ամենաշատ ձայներ հավաքած թեկնածուն կհաղթի։