Որքան ջուր է անհրաժեշտ սրտի և հոդերի առողջության համար

Ձեր սիրտը և հոդերը առողջ պահելու համար պետք է օրական մոտ երկուսուկես լիտր ջուր խմել։ Այս մասին խոսել է թերապևտ Յանա Շմելևան, գրում է NEWS.ru-ն։

Ըստ բժշկի՝ չափահաս մարդու մոտ ջուրը կազմում է ընդհանուր քաշի մինչև 65%-ը։ Ջուրը նվազեցնում է հոդերի ցավը և պաշտպանում դրանք մաշվածությունից: Ջրի պակասը նվազեցնում է մտավոր ունակությունները։ Երբ ջուրը պակասում է, արյունը թանձրանում է, և սիրտը լավ չի դիմանում դրա մղմանը՝ բացատրում է Շմելևան:

Աշխարհի բնակչության կեսը չի սպառում անհրաժեշտ քանակությամբ ջուր և ոչ թե դրա պակասի, այլ առողջության նկատմամբ անլուրջ վերաբերմունքի պատճառով, նշել է մասնագետը։

Կարևոր է հիշել, որ հեղուկի պակասը կարող է հանգեցնել մարսողության խանգարման: Բացի այդ, ջուրն անհրաժեշտ է արյան նոր բջիջների կառուցման և հյուսվածքներում հանքանյութերի տարրալուծման համար, ընդգծել է բժիշկը։

Աղբյուր` Փաստինֆո