Հայկական «խաղաղ ատոմը» այստեղ կանգնած է քաղաքական ռիսկերի առաջ, բայց ԱԷԿ-ը բարդ տեխնոլոգիական օբյեկտ է. Վահե Դավթյան

Քանի որ էներգահամակարգից Հայկական ԱԷԿ-ի վթարային անջատումը բազմաթիվ զգացմունքային մեկնաբանությունների առիթ է ստեղծել, բերեմ որոշ պարզաբանումներ: Այս մասին իր ֆեյսբուքյան էջում գրել է Էներգետիկ անվտանգության հարցերով փորձագետ Վահե Դավթյանը:

«Նախ՝ ինքս որևէ դավադրություն չեմ բացառում: Բայց մասնագիտական օբյեկտիվությունը ստիպում է փաստել, որ. 

1. կայծակի հարվածի վերաբերյալ պաշտոնական վարկածը հեռու չէ իրականությունից: Միջազգային պրակտիկայում նման միջադեպերը բազմաթիվ են: Գրեթե ամեն տարի կայծակի հարվածի պատճառով վթարային ռեժիմով կանգնեցվում են ատոմակայաններ Ռուսաստանում, ԱՄՆ-ում, Չինաստանում, Ֆրանսիայում, Ճապոնիայում, Հարավային Կորեայում և այլն: Միջինացված պատկերը հետևյալն է. կայծակը հարվածում է օդային գծին, միանում է պաշտպանության համակարգը, ինչի հետևանքով անջատվում է գեներատորը: Որպես կանոն, օբյեկտի աշխատանքը վերականգնելու համար անհրաժեշտ է մի քանի օր, 

2. ԱԷԿ-ի կոնսերվացումը տեղի չի ունենում մեկ ակնթարթում: Դա ժամանակատար ու ծախսատար գործընթաց է: Մոտավոր հաշվարկներով՝ Հայկական ԱԷԿ-ի կոնսերվացումը կարող է արժենալ մինչև 400-450 մլն ԱՄՆ դոլար, այն էլ առանց օգտագործված միջուկային վառելիքի ուտիլիզացման: Նկատենք, որ Գերմանիայում 17 ԱԷԿ-ի կոնսերվացումն ու ապամոնտաժումը գնահատվել է 18 մլրդ եվրո: 

Իհարկե, հայկական ՛՛խաղաղ ատոմը՛՛ այսօր կանգնած է բազմաթիվ աշխարհաքաղաքական ռիսկերի առաջ: Սակայն պետք է հստակ գիտակցել, որ ԱԷԿ-ը բարդագույն տեխնոլոգիական օբյեկտ է, որի կոնսերվացումը տեղի չի ունենալու կոճակի սեղմամբ:»։

Նշենք, որ ՀԱԷԿ-ի վթարային կանգի պատճառ է հանդիսացել կայծակի հարվածը, որի հետևանքով կայանի անվտանգության համակարգերը կայանը բերել են անվտանգ կանգառի ռեժիմի։ Այս մասին սոցցանցում գրել է ՏԿԵՆ խոսնակ Սոնա Հարությունյանը։ 

Տվյալ պահին անձնակազմը զբաղված է կայանի վերաթողարկման աշխատանքներով:

Հիշեցնենք, որ Էլեկտրաէներգետիկ համակարգում տեղի ունեցած վթարի հետևանքով ՀԱԷԿ-ը անջատվել էր համակարգից, ինչի մասին հայտնել էին ՏԿԵ նախարարությունից։

Այս թեմայով Որպեսզի ընդդիմադիր պայքարը բերի հաջողության. Վահե Հովհաննիսյան Ադրբեջանի «խաղաղության օրակարգը» պատեհ պահին նոր ռազմական հարձակումն է․ Վահե Հովհաննիսյան Վահե Ղազարյանը Նալբանդյան գյուղում է Վահե Գևորգյանը նշանակվել է Մոնղոլիայում ՀՀ դեսպան Վահե Հովհաննիսյան. Հայրենական ՄԵԾ պարտություն. ի՞նչ են տեսնում մեր հակառակորդները Դատավոր Վահե Միսակյանի նկատմամբ կարգապահական վարույթ է հարուցվել Ազնիվ ու ռացիոնալ խոսակցության պահանջով. Վահե Հովհաննիսյան Ինչպես հակադարձել հայ-ադրբեջանական համատեղ ասուլիսին. Վահե Հովհաննիսյան Հրայր Թովմասյանի դեմ արշավը սկսվեց 2019-ին, երբ Վահե Գրիգորյանը իրեն ՍԴ նախագահ հռչակեց. Էդգար Ղազարյան (տեսանյութ) Ալիևը կարմիր շրջանակով դեղին քարտ է ստացել Պուտինից. ռազմական փորձագետ