Սո՞ւտ, «կռուտի՞տ», թե՞... բոլորը միասին՝ որպես սովորություն. «Փաստ»

«Փաստ» օրաթերթը գրում է.

«Երևանյան երկխոսություն» միջազգային համաժողովի բացման արարողության ժամանակ ունեցած ելույթում Նիկոլ Փաշինյանը հանգամանորեն կանգ առավ 2020-ի նոյեմբերի 9-ին իր իսկ ստորագրած եռակողմ փաստաթղթի հատկապես 9-րդ կետի վրա:

Փաշինյանը նախ նշեց. «Փորձ է արվում ներկայացնել, թե 2020 թ. նոյեմբերի 9-ի եռակողմ հայտարարությունը ենթադրում է, որ այս կոմունիկացիաների անվտանգությունը Հայաստանի Հանրապետության տարածքում պետք է ապահովեն երրորդ ուժեր կամ երրորդ երկիր»: Ապա պնդեց, որ «նման ընկալումը որևէ կապ չունի իրականության հետ»:

Հետո հատվածաբար մեջբերումներ արեց հիշատակված փաստաթղթի խնդրո առարկա 9-րդ կետից: Մեջբերեց այնպես, ինչպես իրեն էր ձեռնտու: Ու, իր մեջբերածի վրա հիմնվելով, հայտարարեց, թե նոյեմբերի 9-ի եռակողմ հայտարարության մեջ չկա դրույթ, որ Հայաստանի Հանրապետության որևէ տարածքի վրա պետք է լինի այլ երկրի վերահսկողություն: «Նման դրույթ 2020 թ. նոյեմբերի 9-ի եռակողմ հայտարարության մեջ ընդհանրապես չկա»,- շեշտեց Փաշինյանը:

Բա՛յց:

Նա ինքն այդ ելույթում մի քանի անգամ նշեց, թե դա հրապարակային փաստաթուղթ է: Ասենք ավելին՝ այդ փաստաթղթի հայերեն թարգմանությունն ու ռուսերեն բնօրինակը զետեղված են կառավարության պաշտոնական կայքում: Այդքան «մեջբերումասեր» Նիկոլ Փաշինյանը միանգամայն հասկանալի պատճառներով համառորեն «չտեսավ» ու չմեջբերեց դիտարկվող փաստաթղթի 9-րդ կետի հետևյալ նախադասությունը. «Տրանսպորտային հաղորդակցության նկատմամբ վերահսկողությունն իրականացնում են Ռուսաստանի ԱԴԾ սահմանապահ ծառայության մարմինները»:

Ընթերցողի ուշադրությունն ենք հրավիրում (Փաշինյանինը հրավիրել անիմաստ է) «վերահսկողություն» բառի և «Ռուսաստանի ԱԴԾ սահմանապահ ծառայության մարմիններ» կապակցության վրա:

Հարց է ծագում. ըստ փաստաթղթի ու Փաշինյան-Ալիև-Պուտին պայմանավորվածության, ի՞նչ է նշանակում «տրանսպորտային հաղորդակցության վերահսկողություն», ի՞նչ էր, էլի, անելու Ռուսաստանի սահմանապահ ծառայությունը, եթե ոչ՝ հենց այդ հաղորդակցության վերահսկողությունը, ինչը տրամաբանորեն ներառում է անվտանգության ապահովումը (թե չէ, ինչո՞ւ էր ՌԴ անվտանգության դաշնային ծառայության մարմինը դրանով զբաղվելու):

Մեկ այլ հարց. բառախաղերի, տառակերության ետևից ընկնելով՝ Նիկոլ Փաշինյանն ում է ինչ ուզում ապացուցած լինել: Ու սա ի՞նչ է, նրա հերթական սո՞ւտը, «կռուտի՞տը», թե՞ մեկ այլ բան:

Իսկ իմա՞ստը: Մանավանդ, իր՝ բազմիցս հրապարակային մանիպուլ յացիաների ու փաստերի նենգախեղման մեջ «բռնված» վայ-կառավարչի դեպքում:

Հ.Գ.-Նյութը պատրաստ էր տպագրության, երբ Նիկոլ Փաշինյանը նոր հայտարարությունը արեց՝ ըստ երևույթին փորձելով ինքն իրեն խմբագրել, սակայն ավելի բարդացրեց վիճակը՝ ըստ էության «յուրովի» մեկնաբանելով իր իսկ ստորագրած փաստաթուղթը: «Նոյեմբերի 9-ի փաստաթղթի 9-րդ կետում գրված ձևակերպումը չի նշանակում, որ ՌԴ ԱԴԾ ուժերը պետք է ներկա գտնվեն Ադրբեջանը Նախիջևանին կապող ճանապարհին։ Ռուսական սահմանապահ ուժերի ներկայությունը Հայաստանում դա Հայաստանի որոշելու խնդիրն է։ Եթե վաղը Հայաստանը որոշի, որ նրանք չպետք է ներկա լինեն, նրանք ներկա չեն լինի»,-ասաց նա:

Այս թեմայով Հնդկաստանի երկու քաղաքացի կալանավորվել է Հայաստանում թմրամիջոցների ապօրինի շրջանառության մեղադրանքով «Վստահ էի՝ Աստծո տված է, Աստված իրեն պահելու է. մեկը դուռս չբացեց, չասաց, թե ինչ եղավ, ինչու իմ տղան չկա». հրետանավոր Նարեկ Հայրապետյանն անմահացել է 2022 թ. սեպտեմբերի 13-ին. «Փաստ» Կաթվածահար իշխանություններ. երբ վնաս տալուց բացի ուրիշ ոչնչի ունակ չեն. «Փաստ» Կսահմանվեն վարչական պատասխանատվության նոր միջոցներ՝ կապված կենսանվտանգության և կենսապահովության ոլորտների հետ. «Փաստ» Ուզում ես կործանել մեկի ապագան, ջնջի՛ր նրա անցյալն ու պատմությունը. «Փաստ» Թվային խոցելիության անդունդին. «Փաստ» Հայկական արտադրության ապրանքների համար՝ նոր հնարավորություն ռուսական շուկայում. «Փաստ» «Պետական շահի մասին խոսք լինել չի կարող». «Փաստ» Ուշագրավ իրադարձություն է սպասվում. Երևանը դառնալու է տեխնոլոգիական առաջատար ընկերությունների ու մասնագետների հիմնական հավաքատեղին. «Փաստ» Ռոբերտ Քոչարյանը և Վլադիմիր Պուտինը հեռախոսազրույց են ունեցել. «Փաստ»