ԱՄՆ-ի 3000 զինվորական զորավարժությունների կմասնակցի Բալթյան երկրներում

Ուկրաինական ճգնաժամի ֆոնի վրա ԱՄՆ-ն ձեռնարկել է զորավարժություններ Բալթյան երկրներում: Ինչպես հաղորդել է Պենտագոնի ներկայացուցիչը, դրանց կմասնակցի մոտ ամերիկացի 3000 զինվորական և 750 միավոր ռազմական տեխնիկա, փոխանցում է Deutsche Welle-ն:

AFP գործակալության տվյալներով՝ տանկերն ու զրահատեխնիկան արդեն ժամանել են Ռիգա:

Զորավարժությունները կտևեն 90 օր և կանցկացվեն Բալթյան բոլոր երեք հետխորհրդային երկրների տարածքում: