Ադրբեջանը զենք է կուտակում

Ադրբեջանը դարձել է սպառազինության հիմնական տեսակների երկրորդ խոշոր ներկրողը Եվրոպայում:

Այս մասին, ինչպես հաղրոդում է «Արմենպրես»-ը, ասվում է Ստոկհոլմի աշխարհի խնդիրների ուսումնասիրման ինստիտուտի' «Թրենդները սպառազինությունների միջազգային փոխադրումներում-2014» այսօր հրապարակված զեկույցում:

Զեկույցում, որտեղ համեմատական վերլուծություն է կատարվում աշխարհի մի շարք տարածաշրջաններում 2010-2014 թվականներին և 2005-2009 թվականներին սպառազինության ներկրման և արտահանման տվյալների միջև, նշվում է, որ 2005-2009 թվականների համեմատ, 2010-14 թվականներին սպառազինության ներկրման իր 13 տոկոս մատակարարումների մակարդակով Ադրբեջանը Եվրոպայում զբաղեցնում է երկրորդ տեղը: Ընդ որում' 2010-2014 թվականներին, 2005-2009 թվականների համեմատ, Ադրբեջան սպառազինությունների ներկրումն ավելացել է 249 տոկոսով:

Զեկույցի տվյալներով' Ադրբեջան ներկրված սպառազինությունների 85 տոկոսը գնվել է Ռուսաստանից: