Էրդողանը պայքարում է քաղաքականապես կենդանի մնալու համար. Deutsche Welle

Թուրքիայի նախագահ Ռեջեփ Թայիփ Էրդողանն արեց այն, ինչ խոստացել էր. ընդդիմադիր Ժողվորդահանրապետական կուսակցությանը (ԺՀԿ) հնարավորություն չտվեց մտնել կոալիցիոն կառավարություն: Նման որոշում ընդունելով, նա դարձավ Թուքիայի պատմության մեջ առաջին նախագահը, ով զրկեց երկրում ընտրողների քվեների թվով երկրորդը հանդիսացող կուսակցությանը մասնակից լինել կառավարությանը:

Այս մասին, ինչպես հաղրոդում է «Արմենպրես»-ը, հայտնում է գերմանական Deutsche Welle թերթը' նշելով, որ Էրդողանը, ով երկրի սահմանադրության համաձայն պետք է կանգած լինի բոլոր քաղաքական կուսակցություններից վերև, մտադիր չէ զիջել իշխող «Արդարություն եւ զարգացում» կուսակցության (ԱԶԿ) կողմից միանձնյա կառավարություն կազմելու իր նախապատվությունը:

«Այժմ Էրդողանը ցանկանում է նոր ընտրություններ անցկացնել նոյեմբերի 1-ին: Նա այդ մասին հայտարարել է դեռեւս մինչեւ նոր կառավարություն ձեւավորելու պաշտոնական 45-օրյա ժամկետի ավարտը: Առաջիկա արտահերթ ընտրությունները ԱԶԿ-ին հույս են տալիս կրկնել 2002 թվականի պանծալի օրերը, երբ կուսակցությունը ջախջախիչ հաղթանակ էր տարել ընտրություններում: Սակայն, այն ժամանակվա Թուրքիան խիստ տարբերվում է ներկայինից: 2002 թվականին Քուրդիստանի աշխատավորական կուակցության (PKK) կողմից ընդհանուր առմամբ անվտանգության ծառայության 6 թուրք սպաներ էին սպանվել: Վերջին շաբաթ միայն մեկ օրում PKK-ի հետ բախումներում զոհվել են 9 զինծառայողներ: Հուլիսի կեսերից երկրում ահաբեկչական գործողություններն ամեն օր նոր զոհերի են բերում: 2002 թվականին Թուրքիան բանակցություններ էր վարում Ալ Կաիդայի հետ, եւ շատ քիչ թուրքեր էին ցավակցում ահաբեկչական կազմակերպությանը: Իսկ այսօր, հակառակը, տագնապ է առաջացնում այն, որ մեծ թվով թուրք քաղաքացիներ են միանում «Իսլամական պետություն» (ԻՊ) ահաբեկչական խմբավորմանը: Այդ ֆենոմենը չի կարելի առանձնացնել Անկարայի ընթացիկ քաղաքականությունից», -գրում է թերթը:

Ըստ թերթի' ԱԶԿ-ում հույս ունեն, որ Թուրքիայում կարեւորագույն քրդական Ժողովուրդների դեմոկրատական կուսակցությունը (ԺԴԿ) PKK-ի շարունակվող հարձակումների պատճառով կկորցնի իր օգտին ձայները, ինչը խիստ անհավանական է համարվում, հատկապես, երկրի քրդաբնակ արեւելյան եւ հարավ-արեւելյան շրջաններում:

«Քաղաքական անկայունությունն ու ահաբեկիչների հարձակումները ոչ միայն ավելի ուժգնորեն են մասնատում թուրքական հասարակությանն, այլեւ ազդում են երկրի տնտեսության վրա, ինչը կարող է քվերակության ժամանակ բացասական ազդեցություն թողնել ԱԶԿ-ի արդյունքների վրա: Որոշ սոցհարցումներ ցույց են տալիս, որ ԱԶԿ-ը նոր ընտրություններում եւս չի ստանա միանձնյա կառավարություն ձեւավորելու համար անհրաժեշտ քանակությամբ ձայներ: Ընդ որում, քրդական ԺԴԿ-ն այժմ խորհրդարանում կարող է դառնալ երրորդ ընդդիմադիր կուսակցությունը' առաջ անցնելով Ազգայնական շարժում կուսակցությունից (ԱՇԿ)», -շարունակում է թերթը:

Գերմանական թերթը գրում է, որ վերջին շրջանում ԱԶԿ-ը փորձում է կրկին գրավել սփյուռքի ձայները, որոնք նրանից հունիսին տեղի ունցած ընտրություններում խլել էր ԺԴԿ-ն:

«Եթե ԱԶԿ-ի այդ պլանն իրագործվի, ապա խորհրդարանում պատգամավորների թվաքանակը չի փոխվի եւ կմնա նույն 550 թիվը: Սակայն, մանդատները կվերաբախշվեն, եթե 15 տեղ հատկացվի արտասահմանյան թուրքական համայնքներին: Սակայն, դա անհնարին է, քանի թուրքական ներկայիս սահմանադրությամբ դա չի թույլատրվում, իսկ սահմանադրական փոփոխությունը երկար ժամանակ է պահանջում», - գրում է թերթը:

Ըստ թերթի' Էրդողանը փորձում է ընտրական արշավին ներգարվել նաեւ արտասահմանում, հատկապես' Գերմանիայում բնակվող թուրքերին, որովհետեւ նրանք այստեղ մեծ թվով ձայներ կարող են ապահվել իր համար: Մյուս կողմից, ԺԴԿ-ի համանախագահ Սալահեթդին Դեմիրթաշի այցը Ստոկհոլմ ցույց է տալիս, որ նա եւս պայքարում է քրդերի ձայների համար: Տպավորություն է ստեղծվում, որ ընտրական արշավը պետք է անցկացվի ոչ միայն Թուրքիայում: Ի վերջո, այդ արտահերթ ընտրությունները կդառնան, հատկապես Էրդողանի համար, քաղաքականապես կենդանի մնալու պայքար», -ամփոփում է գերմանական թերթը: