Իրանը ԱՄՆ-ին զգուշացրել է Հորմուզի նեղուցի շրջափակման հետևանքների մասին

ԱՄՆ ռազմածովային ուժերի կողմից Հորմուզի նեղուցի շրջափակումը կարող է հանգեցնել ԱՄՆ-ի և Իրանի միջև հրադադարի խափանմանը։ Այս մասին ՌԻԱ Նովոստիին ասել է Իրանի արտաքին գործերի նախարարության խոսնակ Իսմայիլ Բաղային։

Նա Հորմուզի նեղուցի շրջափակումը անվանել է սադրիչ քայլ՝ միջազգային իրավունքի համաձայն անօրինական, ընդգծելով, որ դա կարող է հանգեցնել հրադադարի խափանմանը։ Բաղային զգուշացրել է, որ նման սցենարի դեպքում իրանական ուժերը պատրաստ են ձեռնարկել «անհրաժեշտ գործողություններ»։