Մոսկվայում ձյան տեղումները գերազանցել են 50-ամյա վաղեմության ռեկորդը
Աշխարհ
ՌԴ-ի Հիդրոօդևութաբանության կենտրոնի տվյալներով՝ Մոսկվայում եղանակը գերազանցել է օրվա տեղումների 50-ամյա վաղեմության ռեկորդը, տեղեկացնում է «Արմենպրես»-ը՝ հղում անելով ՏԱՍՍ-ին:
Մարտի լույս 2-ի գիշերը ՌԴ մայրաքաղաքում տեղացել է 22 միլիմետր ձյուն, ինչը կազմում է ամսական նորմայի (34 միլիմետր) ավելի քան 70 տոկոսը: Ձյան ծածկույթի բարձրությունը հասել է 50 սանտիմետրի, աճը կազմել է 20 սանտիմետր: Քաղաքի կենտրոնում, Բալչուգ օդերևութաբանական կայանի տվյալներով՝ գիշերը տեղացել է 26 միլիմետր ձյուն: Մարտի 2-ի համար օրվա տեղումների առավելագույն քանակը նշվել է 1966 թվականին և կազմել է 22,2 միլիմետր: Այս տարի այդ մեծությունը գերազանցվել է ընդամենը 12 ժամում:
Ավելի վաղ քաղաքագլխի բնակարանային-կոմունալ տնտեսության հարցերով տեղակալ Պյոտր Բիրյուկովը լրագրողներին հայտնել է, որ Մոսկվայի փողոցներում շարունակում է աշխատել 15,5 հազար միավոր տեխնիկա, այդ թվում՝ ձյունաբեռնիչներ և շուրջ 3 հազար ինքնաթափ: Բացի դրանից, գործի են դրված ձեռքով մաքրող ավելի քան 60 հազար աշխատողներ: Աշխատանքները կատարվում են շուրջօրյա ռեժիմով:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
