Յացենյուկը հուսով է՝ Արևմուտքի միջոցով խաղաղություն հաստատել Ուկրաինայում

Ուկրաինայի վարչապետ Արսենի Յացենյուկը հույս ունի կրկին սահմանել վերահսկողություն Դոնեցկում ու Լուգանսկում և վերադարձնել Ղրիմը: Նրա կարծիքով՝ դա երկրի տարածքային ամբողջականությունը վերականգնելու առաջադրանք է և այդ գործում նա ապավինում է Արևմուտքի օգնությանը:

Այդ մասին վարչապետը հայտնել է շաբաթ օրը Պոլտավայում՝ պարեկային ոստիկանների երդմնակալության արարողության ընթացքում: «Մեզ պետք է խաղաղ կյանք և խաղաղ աշխարհ: Աշխարհը, որին մենք սպասում ենք, որի համար պայքարում ենք: Հուսով եմ՝ մեր արևմտյան գործընկերները կանեն ամեն հնարավորը, որպեսզի մեր զավակները չզոհվեն պատերազմի դաշտում»,- ասել է ուկրաինական կառավարության ղեկավարը: