Նախկին սեքս-ստրկուհիները էլիտար ջոկատ են ձևավորել ԻԼԻՊ-ի դեմ պայքարի համար

Նախկին սեքս-ստրկուհիները Իրաքում կանանց գումարտակ են ստեղծել՝ ԻԼԻՊ-ի դեմ պայքարի համար: Այն ձևավորված է կանանցից, ում հաջողվել է փախչել զինյալներից, հայտնում է Mirror-ը:

Երկու հազար կանանց հաջողվել է փախչել գերությունից, երբ կոալիցիոն ուժերը կետային հարված են հասցրել ԻԼԻՊ-ի դիրքերին և Սինջար լեռան մերձակայքում հանվել է պաշարումը:

Այդ տարածքը հիմնականում բնակեցված է եղել եզդիներով: Գրոհայինները կրակել են տղամարդկանց, իսկ կանանց՝ ստիպել ընդունել իսլամը, բռնի ամուսնացրել ու բազմիցս բռնաբարել:

Ահաբեկիչները 8 տարեկան աղջիկների են վաճառել շուկայում:

«Մեզ համար կարևոր է սեփական պատիվն ու արժանապատվությունը պաշտպանելը: Այն բանից հետո, թե ինչ է տեղի ունեցել մեզ հետ, մենք այլևս չենք վախենում»,- ասել է գումարտակի 19-ամյա ծառայողուհին:

Անսովոր ռազմական ձևավորումը դեռևս նոր է ուսուցում անցնում: