Կիմ Չեն Ընը կարգադրել է ավելացնել միջուկային փորձարկումները
Աշխարհ
Կիմ Չեն Ընը ղեկավարել է Կորեական ժողովրդական բանակի ռազմավարական զորքերի վարժանքները՝ բալիստիկ հրթիռների մասնակցությամբ, տեղեկացնում է «Արմենպրես»-ը՝ հղում անելով Կորեայի կենտրոնական հեռագրական գործակալությանը: ԿԺԴՀ-ի ղեկավարը գոհ է մնացել դրանց արդյունքներից և ցուցում է տվել «երկրում ավելի շատ միջուկային փորձարկումներ անցկացնել՝ գնահատելու ԿԺԴՀ-ում ստեղծված միջուկային մարտագլխիկների ավերիչ ուժը և հանրապետության միջուկային ուժերի հարձակողական հզորությունը»:
Նա քննադատության է ենթարկել Հարավային Կորեայի իշխանություններին Միացյալ Նահանգների հետ Key Resolve և Foal Eagle խոշոր զորավարժություններին մասնակցելու համար, որոնք ուղղված են ԿԺԴՀ-ի դեմ:
Կիմ Չեն Ընը հրամայել է ռազմավարական զորքերին, որոնք «նշանառության տակ են պահում Հարավային Կորեայի հիմնական օբյեկտները և ԱՄՆ-ի բազաները Ասիախաղաղօվկիանոսյան տարածաշրջանում, լինել մշտական մարտական պատրաստության վիճակում», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
