Դավութօղլուն հետաձգել է այցը Հորդանան
Աշխարհ
Թուրքիայի վարչապետ Ահմեդ Դավութօղլուն Անկարայում իրականացված ահաբեկչության հետևանքով հետաձգել է այցը Հորդանան: Ինչպես հաղորդում է «Արմենպրես»-ը, այս մասին տեղեկացնում է թուրքական «Հաբերլեր» լրատվականը: Վարչապետի այցը նախապես ծրագրավորված էր իրականացնել մարտի 15-16-ը, սակայն այժմ այն անհայտ ժամկետով հետաձգվել է:
Անկարայում հերթական ահաբեկչությունը տեղի է ունեցել մարտի 13-ին քաղաքի կենտրոնական հատվածում' ավտոբուսի կանգառներից մեկում, որը գտնվում է Թուրքիայի վարչապետի աշխատավայրի մոտ' Գյուվեն այգու մոտակայքում: Պայթյունի ժամանակ նշված տեղանքում մեծ թվով մարդիկ են եղել: Ամբողջությամբ այրվել է մեկ ավտոբուս:
Ահաբեկչության հետևանքով զոհվել է 34 մարդ, 125-ը տեղափոխվել են հիվանդանոցներ, նրանցից 19-ի վիճակը ծանր է: Ոստիկանության նախնական վարկածով՝ պատահարը տեղի է ու նեցել ականապատված մեքենայի պայթյունի հետևանքով, որը կայանված է եղել երկու ավտոբուսների միջև:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
