«Դա աշխարհի վերջն էր». Անկարայում ահաբեկչության ականատես

Թուրքիայի ռազմաօդային ուժերն ավիահարված են հասցրել Իրաքի հյուսիսում գտնվող քրդերին: Եվ անմիջապես թուրքական իշխանությունների կողմից հաջորդել է առաջին ամպագոռգոռ հայտարարությունը: Մահապարտ ահաբեկչուհին, որը նախօրեին ահաբեկչություն է կազմակերպել Անկարայում, պատկանում էր «Քրդական աշխատավորական կուսակցությանը»: Զոհվածների ցանկում արդեն 37 մարդ կա, ավելի քան 120-ը՝ հիվանդանոցում է: Վերջին ամսվա ընթացքում Թուրքիայի մայրաքաղաքում սա արդեն երկրորդ հզոր պայթյունն է, իսկ երկու հարձակումների սցենարը՝ նույնն է:

Կիրակի օրը երեկոյան զբոսանքը կենտրոնական այգով Անկարայի բնակիչների համար իսկական դժոխքի է վերածվել, այն բանից հետո, երբ մահապարտ ահաբեկիչը գործի է դրել պայթուցիկ սարքը կենտրոնական և ամենամարդաշատ փողոցներից մեկում՝ Թուրքիայի կառավարության գրասենյակի հարևանությամբ:

«Դա նման էր աշխարհի վերջին: Լսելով պայթյունը՝ ես մի մեծ կրակե գունդ տեսա: Ես պարզապես ցնցված եմ»,- ասել է ականատեսը:

Ողբերգությունն արձանագրել են տեսախցիկները: Կադրերում երևում է, թե ինչպես է ռումբով լցոնված մեքենան մոտենում կանգառում գտնվող ավտոբուսներին և հաշված վայրկյաններ անց պայթում:

Ավելի ուշ պարզ կդառնա, որ զոհերի ցուցակում կարող են լինել ոչ միայն Թուրքիայի շարքային քաղաքացիները, այլև՝ այլ երկրների քաղաքական գործիչները:

Ահաբեկչությունից մի քանի ժամ անց թուրքական իշխանություններն ուղիղ իմաստով զրկել են քաղաքացիներին՝ տեղի ունեցածի մասին խոսելու իրավունքից. արգելափակվել է «Facebook»-ն ու «Twitter»-ը: Նրանք ասում են, թե պայթյունի վայրից սոցիալական ցանցերում տեսանյութեր տարածելով, երկրի բնակիչները միայն խուճապ են առաջացնում:

Այսինքն՝ իշխանությունները վստահությամբ պնդում են՝ նման գործը բացահայտելու համար՝ նրանց ըդամենը 24 ժամ է հարկավոր՝ նույնիսկ ավելի քիչ: Իսկ մեկ անց ուժայինները պնդում են՝ հետաքննության նախնական տվյալներով, հարձակման իրագործողներից մեկը «PKK-ի» անդամ է: