ԻՊ-ն Սիրիայում և Իրաքում կորցրել է գրավված տարածքների 22 տոկոսը

«Իսլամական պետություն» ահաբեկչական խմբավորման զինյալները կորցրել են այն տարածքների 22 տոկոսը, որոնք վերջին 14 ամսվա ընթացքում նրանց վերահսկողության տակ էին գտնվում Սիրիայում և Իրաքում: Այդ մասին ասված է HIS վերլուծական գործակալության հետազոտության մեջ, տեղեկացնում է «Արմենպրես»-ը՝ հղում անելով BBC-ին:

Ընկերության փորձագետների հաշվարկների համաձայն՝ ԻՊ-ն այս ընթացքում զրկվել է եկամուտների 40 տոկոսից, որոնք ստացվում էին հիմնականում նավթի վաճառքից:

Դա տեղի է ունեցել այն բանի հետևանքով, որ ծայրահեղականներն այլևս չեն վերահսկում սիրիա-թուրքական սահմանը:

Վերլուծական գործակալության նախորդ գնահատման համեմատությամբ՝ այսպես կոչված «Իսլամական պետության» կողմից վերահսկվող տարածքը կրճատվել էր 8 տոկոսով: