Պուտինը պաշտոնից ազատեց կրթության նախարար Դմիտրի Լիվանովին

Ռուսաստանի նախագահ Վլադիմիր Պուտինը պաշտպանել է վարչապետ Դմիտրի Մեդվեդեւի առաջարկությունը եւ կրթության նոր նախարար է նշանակել նախագահի վարչակազմի աշխատակցուհի Օլգա Վասիլեւային:

Ավելի վաղ այդ պաշտոնն զբաղեցնող Դմիտրի Լիվանովը կդառնա պետության ղեկավարի՝ Ուկրաինայի հետ առեւտրատնտեսական կապերի գծով հատուկ ներկայացուցիչը: Մեդվեդեւը նշել է, որ Վասիլեւան ծառայության լավ ցուցակ ունի:

Նա մասնագիտական գործունեությունը սկսել է որպես ուսուցիչ, աշխատել է Գիտությունների ակադեմիայի համակարգում: Բացի այդ, նա ունի պետական ծառայության փորձ, որը ձեռք է բերել կառավարության աշխատակազմում եւ նախագահի վարչակազմում, հաղորդել է ՌԻԱ Նովոստին: