Մերկելը ԵՄ-ի գագաթնաժողովին ընդառաջ կընդունի Եվրոպայի ութ վարչապետի
Աշխարհ
ԳՖՀ-ի կանցլեր Անգելա Մերկելն օգոստոսի 26-ին եւ 27-ին Բեռլինի մերձակայքում բանակցություններ կվարի ԵՄ-ից իր ութ պաշտոնակիցների հետ՝ Բրատիսլավայի գագաթնաժողովին նախապատրաստվելու շրջանակներում:
Այդ մասին, ինչպես տեղեկացնում Բեռլինում կայացած ճեպազրույցի ժամանակ հայտարարել է ԳՖՀ-ի կառավարության պաշտոնական ներկայացուցիչ Շտեֆան Զայբերտը: Մերկելը օգոստոսի 22-ից մինչեւ 26-ը կայցելի Իտալիա, Էստոնիա, Չեխիա եւ Լեհաստան, ինչից հետո, Զայբերտի խոսքով, վերադառնալով Վարշավայից, օգոստոսի 19-ին Գերմանիայի կառավարության Մեզեբերգ մերձքաղաքային նստավայրում ընթրիքի սեղանի շուրջ հանդիպում կունենա Նիդեռլանդների, Շվեդիայի, Ֆինլանդիայի եւ Դանիայի վարչապետների հետ:
«Ընթրիքից առաջ երկկողմ բանակցություններ տեղի կունենան Նիդեռլանդների վարչապետ Մարկ Ռյուտեի հետ: Օգոստոսի 27-ին, նույնպես Մեզեբերգի դղյակում, հանդիպում կկայանա Սլովենիայի, Բուլղարիայի վարչապետների, Ավստրիայի կանցլերի եւ Խորվաթիայի վարչապետի հետ»,-հավելել է նա:
Զայբերտի խոսքով՝ եվրոպական շրջագայությունը եւ բեռլինյան բանակցությունները նվիրված են «Եվրամիության՝ սեպտեմբերի կեսերին Բրատիսլավայում կայանալիք ոչ պաշտոնական գագաթնաժողովի նախապատրաստմանը», հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
