Ամերիկացիների գրեթե 60 տոկոսը չի ցանկանում ընտրություն կատարել Թրամփի եւ Քլինթոնի միջեւ

Ամերիկացիների կեսից ավելին՝ 57 տոկոսը, դժգոհ է Դոնալդ Թրամփին կամ Հիլարի Քլինթոնին նախագահ ընտրելու անհրաժեշտությունից: Այդ մասին վկայում են հարցման արդյունքները, որը համատեղ անցկացրել են ABC հեռուստաընկերությունը եւ Washington Post թերթը:

Հարցվածների 35 տոկոսը նախագահի առաջիկա ընտրություններում Քլինթոնի եւ Թրամփի փոխարեն կնախընտրեր քվեարկել այլընտրական թեկնածուի օգտին: Որպես նախագահի լրացուցիչ թեկնածուի, որի օգտին ամերիկացիները կտային իրենց ձայնը, նրանք մյուսներից ավելի հաճախ նշում են ավելի վաղ նախընտրական մրցավազքից դուրս մնացած դեմոկրատ Բեռնի Սանդերսին եւ հանրապետական Թեդ Քրուզին:

Հարցին՝ հետազոտության մասնակիցներին անհանգստացնո՞ւմ է արդյոք, որ նախագահական աթոռի հավելյալ թեկնածուն կարող է բերել այն թեկնածուի հաղթանակին, որը նրանց չի բավարարում, դրական պատասխան է տվել հարցվածների 59 տոկոսը:

Ինչպես նշում է հեռուստաալիքը, ԱՄՆ-ի նախագահի պաշտոնին հավակնում են նաեւ երկու անկախ թեկնածու՝ Գերի Ջոնսոնը եւ Ջիլ Սթայնը: Վերջին հարցումների տվյալների համաձայն՝ Ջոնսոնի օգտին պատրաստ է քվեարկել հարցվածների մոտավորապես 8 տոկոսը, Սթայնի օգտին՝ 4 տոկոսը:

Հարցումն անցկացվել է օգոստոսի 18-ին եւ 19-ին: Դրան մասնակցել են 18 եւ ավելի բարձր տարիքի 231 պոտենցիալ ընտրողներ, որոնք ընտրվել են պատահական կերպով: Վիճակագրական անճշտությունը կազմում է 8,1 տոկոս, հաղորդել է ՌԻԱ Նովոստին:

Լուսանկարը' AP