Թուրքիան 5 մլրդ դոլար փոխհատուցում կկատարի Ռուսաստանին. Գյուլի խորհրդական
Աշխարհ
Թուրքիայի 11-դ նախագահ Աբդուլլահ Գյուլի խորհրդական, «Ենիչաղ» թերթի լրագրող Ահմեթ Թաքանը հայտարարել է, որ Մոսկվայի եւ Անկարայի միջեւ Սու-24 ինքնաթիռի միջադեպի պատճառով խաթարված հարաբերությունները վերականգնելու դիմաց Թուրքիան պետք է Ռուսաստանին 5 մլրդ դոլար փոխհատուցում կատարի:
Այս մասին հայտնում է թուրքական «Ջումհուրիեթ» թերթը: Անկարայի կուլիսների վստահելի աղբյուրներին հղում կատարած հոդվածում Թաքանը պնդել է, որ Մոսկվայի հետ հարաբերությունները վերականգնելու համար Անկարան պարտավորվել է 5 մլրդ դոլար վճարել:
«Ես ականջներիս չհավատացի… խոցված ռուսական ինքնաթիռի համար Անկարան խոստացել է 5 մլրդ դոլար վճարել», -ասել է Թուրքիայի նախկին նախագահի խորհրդականը:
Նա նաեւ հիշեցրել է, որ դեռեւս հունիսին, ռուս-թուրքական հարաբերությունների հնարավոր նորմալացման մասին խոսակցությունների ժամանակ, Թուրքիայի նորանշանակ վարչապետ Բինալի Յըլդըրըմը TRT-ով հայտարարել էր, որ «անհրաժեշտության դեպքում Անկարան պատրաստ է փոխհատուցում կատարել ռուսական ինքնաթիռի համար»:
Մոսկվան համաձայնել է վերակենդանացնել Թուրքիայի հետ խարխլված հարաբերություններն այն բանից հետո, երբ Թուրքիայի նախագահ Ռեջեփ Թայիփ Էրդողանը նախագահ Վլադիմիր Պուտինին հղած նամակում ներողություն էր խնդրել ինքնաթիռի միջադեպի եւ ռուս օդաչուի սպանության համար:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
