Ավստրիան մտադիր չէ փոխել Թուրքիայի հարցում իր դիրքորոշումը

Ավստրիան ի գիտություն է առել երկրից թուրքական դեսպանի ժամանակավոր հետկանչը, բայց մտադիր չէ փոխել Թուրքիայի գծով իր դիրքորոշումը:

Այս մասին հաղորդում է ավստրիական APA լրատվական գործակալությանը հայտնել է Ավստրիայի արտաքին գործերի նախարար Սեբաստիան Կուրցը: Սեբաստիան Կուրցն ավելի վաղ քննադատաբար է արտահայտվել Եվրամիությանը Թուրքիայի անդամակցության մասին բանակցությունների հեռանկարի մասին՝ նշելով, որ այդ երկրում ժողովրդավարության եւ մարդու իրավունքների հետ իրավիճակի նեգատիվ զարգացումը, որն ավելի է սրվել հուլիսի կեսերին ձախողված ռազմական հեղաշրջումից հետո: Թուրքիան էլ իր հերթին Ավստրիայի իշխանութ յուններին մեղադրել է «արմատական ռասիզմի» մեջ: APA-ի հետ զրույցում Սեբաստիան Կուրցի պաշտոնական ներկայացուցիչն ասել է.

«Քայլն ընդունվել է ի գիտություն, եւ երկկողմանի բանակցությունները բոլոր մակարդակներում շարունակվում են»:

Ավելի վաղ Թուրքիայի ԱԳՆ ղեկավար Մեւլյութ Չավուշօղլուն հայտարարել է, որ վերջին իրադարձությունների պատճառով Անկարան խորհրդատվությունների համար Վիենայից հետ է կանչում իր դեսպանին, որպեսզի վերանայի Ավստրիայի հետ իր հարաբերությունները՝ կապված Վիենայում քրդական եւ թուրքական համայնքների միջեւ բախումների հետ: Ավստրիայի արտաքին գործերի նախարար Սեբաստիան Կուրցը հանդես էր եկել Թուրքիայի ԵՄ անդամակցության դեմ հայտարարությամբ:

Ինչպես Սեբաստիան Կուրցը, այնպես էլ Ավստրիայի վարչապետ Քրիստիան Քերնը հայտարարել էին ԵՄ-ին անդամակցելու հարցով Թուրքիայի հետ բանակցությունները դադարեցնելու անհրաժեշտության մասին: Քրիստիան Քերնը հեռուստատեսություններից մեկին տված հարցազրույցում նշել էր, որ Թուրքիայի տնտեսությունը հետ է մնում եվրոպական երկրների տնտեսություններից: Նա ընդգծել էր, որ իրենք չպետք է վախենան պաշտոնական Անկարայի զայրույթից:«Մենք Թուրքիայի առջեւ խնդրողական վիճակում չենք: Մենք այդ երկիր մեծ ներդրողներից ենք: Թուրքիան տնտեսապես կախված է ԵՄ-ից», -աս ել էր նա' նշելով, որ միգրացիոն համաձայնագրի հետ կապված Անկարայի սպառնալիքները չեն կարող վախեցնել իրենց: