101-ամյա հնդիկ մարզուհին հաղթահարել է հարյուրմետրանոց տարածությունը

Օքլենդ քաղաքում (Նոր Զելանդիա) 101-ամյա մարզուհի Ման Քաուրը՝ Հնդկաստանից, հարյուրմետրանոց վազքատարածությունը հաղթահարել է մեկ րոպե 14 վայրկյանում, այս մասին հաղորդել է BBC-ն:

Նշվում է, որ Վետերանների համաշխարհային խաղերում Քաուրը եղել է միակ վազորդուհին այդ տարիքային կատեգորիայում:

Կինը բժշկական ստուգում է անցել մրցումների սկսվելուց առաջ: Քաուրն սկսել է սպորտով զբաղվել 93 տարեկանում:
Նա ֆիզիկական ակտիվությամբ հետաքրքրվել է որդու՝ Գուրդեւի հետ միասին: