Հայոց լեզվի ծրագիր սփյուռքի դպրոցների համար

ՀՀ կրթության ու գիտության նախարարի նոյեմբերի 7-ի թիվ 1216-Ա/Ք հրամանով հաստատվել և, ռուսերենին (ուկրաիներենին) որպես առաջին լեզվին տիրապետող սաների համար տարրական ուսուցման ծրագրեր իրականացնող Սփյուռքի հայկական կրթօջախներում գործածության համար, երաշխավորվել է Ուկրաինայի Ղրիմի ոչ ավանդական հայկական դպրոցի կողմից ներկայացված հայոց լեզվի ծրագիրը:

Ղրիմի հայկական ընկերակցության ոչ ավանդական հայկական դպրոցը գործում է Սիմֆերոպոլում 2002 թվականից:

2010թ. Համահայկական կրթական խոհրդաժողովին դպրոցի տնօրեն Թամարա Սալիստայա-Գրիգորյան ԱՊՀ երկրների մասնակիցների ուշադրությանն էր ներկայացրել դպրոցի փորձի հիման վրա մշակված հայոց լեզվի ծրագիր` ռուսերենին և ուկրաիներենին որպես առաջին լեզվին տիրապետող մանուկների համար և նախատեսված է գործածելու հանրակրթական դպրոցների 1-4-րդ դասարաններում:

Համահայկական կրթական խորհրդաժողովի պայմանավորվածություններին ընդառաջ` ծրագիրը նախ ներկայացվել է ՀՀ ԿԳՆ Կրթության ազգային կենտրոնի փորձաքննական կարծիքին և լրամշակվելուց հետո հաստատվել և երաշխավորրվել է ԱՊՀ տարածքում գործող տարրական ուսուցման ծրագրեր իրականացնող Սփյուռքի հայկական կրթօջախների համար:

Ծրագիրն օրինակելի հիմք կարող է հանդիսանալ նորաբաց հայկական դպրոցներում ուսումնական ծրագիրը կազմակերպելու համար: