Սահակաշվիլին չի պատրաստվում որևէ այլ երկրի քաղաքացիություն ստանալ

Օդեսայի նախկին նահանգապետ Միխեիլ Սահակաշվիլին հայտարարել է, որ չի ծրագրում ստանալ այլ երկրների քաղաքացիություն: «Որևէ այլ երկրի քաղաքացիություն չեմ պատրաստվում ստանալ, ես հանդիսանում եմ Ուկրաինայի քաղաքացի»,- ինչպես հաղորդում է «Ռիա-նովոստի»-ն, ասել է նա:

Սահակաշվիլին նաև հնարավոր է համարել, որ Ուկրաինայի իշխանությունները կարող են իրեն թույլ չտալ մուտք գործել երկրի տարածք:

Ավելի վաղ Վրաստանի արդարադատության նախարարությունը հայտարարել էր, որ պատրաստ է ԱՄՆ-ից պահանջել Սահակաշվիլիի արտահանձնումը: