Դանիայում Վիկինգների 1000-ամյա ամրոց է հայտնաբերվել

Դանիայում հնագետների կողմից հայտնաբերվել է Վիկինգների 10-րդ դարի ամրոց: Այս մասին հայտնում է Independent-ը:

Ամրոցը տեղակայված է եղել երկրի արևմուտքում՝ Բորգրինգում և հայտնաբերվել է դեռևս 2014 թվականին, սակայն նոր ուսումնասիրությունները հաստատել են դրա կառուցման ժամանակաշրջանը: Հնագետների կարծիքով՝ ամրոցը կառուցվել է Հարոլդ Գորմսոն թագավորի կողմից:

Այս ամրոցը մյուս հայտնաբերվածների շարքում հինգերորդն է՝ սկսած 1930-ական թվականներից: Ամրոցի մեծ մասը գտնվում է հողի տակ: