«Ռեալ»-ը ակումբային ռեկորդ է սահմանել

Մադրիդի «Ռեալ»-ը հերթական ռեկորդն է սահմանել:

Իսպանիայի առաջնության 4-րդ տուրում «Ռեալ»-ը արտագնա խաղում, ինչպես արդեն տեղեկացրել ենք, 3:1 հաշվով հաղթել է «Ռեալ Սոսյեդադ»-ին:

Այս հաղթանակը մադրիդյան թիմի համար 11-րդ անընդմեջ հաղթանակն էր  արտագնա խաղերում: Այս ցուցանիշով Զիդանի թիմը ակումբային ռեկորդ սահմանեց: Այս մասին տեղեկացնում է Squawka-ն:

Հիշեցնենք, որ «Արքայական ակումբ»-ը կրկնել է նաև «Սանտոս»-ի համաշխարհային ռեկորդը՝  73-րդ խաղն անընդմեջ գոլի հեղինակ դառնալով: