ՈւԵՖԱ-ն հաստատել է Ազգերի լիգայի վերջնական ձևաչափը

ՈւԵՖԱ-ն հաստատել է Ազգերի լիգայի կանոնակարգի վերջնական ձևաչափը:

Այս մրցաշարը հավաքականների ընկերական խաղերի մեծամասնությունը կփոխարինի պաշտոնական խաղերով  և թույլ կտա  նրանց խաղալ կարգով հավասար թիմերի հետ:

Մրցաշարին կմասնակցեն եվրոպական բոլոր 55 հավաքականները: Հավաքականները  կբաշխվեն 4 լիգաների (A, B, C և D)` համապատասխան Աշխարհի 2018-ի եվրոպական որակավորման փուլի  ավարտին ձևավորված իրենց վարկանիշին:

(2017 թ-ի հոկտեմբերի 11-ից հետո գրանցված արդյունքները հաշվի չեն առնվի, այդ թվում նաև անցումային խաղերի արդյունքները):

A լիգայում կխաղան 12 թոփ-հավաքականները: Մյուս 12 հավաքականները կհայտնվեն B լիգայում, մյուս 15-ը` C լիգայում, մյուս 16-ը` D լիգայում:

A և B լիգաները կազմված  կլինեն 4 խմբերից` 3-ական թիմով: C լիգայում կլինի մեկ խումբ 3 թիմով, և 3 խումբ` 4-ական թիմերով,  D խումբում կլինի 4 խումբ ՝4-ական թիմերով:

Խաղերը կանցկացվեն տանը և արտագնա՝ 2018 թ-ի սեպտեմբեր-նոյեմբեր ամիսներին (յուրաքանչյուր հավաքական, կախված խմբում թիմերի քանակից, 4-6 խաղ կանցկացնի):

A լիգայի 4 խմբերի հաղթողները դուրս կգան եզրափակիչ փուլ, որը կանցկացվի 2019 թվականի հունիսին: Այն բաղկացած կլինի կիսաեզրափակիչներից, 3-րդ տեղի համար խաղից և եզրափակչից: Տանտերերին կորոշի ՈւԵՖԱ-ի գործկոմը 2018 թ-ին՝ մասնակիցների թվով պայմանավորված: 

B, C և D լիգաների խմբերի հաղթողները կստանան կարգի բարձրացում, իսկ A, B և C լիգաների խմբերում վատագույն արդյունք  գրանցած հավաքականները կհայտնվեն ցածր լիգայում:

Եվրոպական հավաքականները կպայքարեն կամ Ազգերի լիգայում հաղթելու, կամ ավելի բարձր դիվիզիոնում հայտնվելու, կամ էլ` իրենց դիվիզիոնում տեղը պահպանելու համար:

Ազգերի լիգայի խմբային փուլի վիճակահանությունը կկայանա 2018 թ.-ի հունվարի 24-ին:

Եվրոպայի 2020 թ.-ի առաջնության ընտրական փուլը էական  փոփոխությունների չի ենթարկվի (կվիճարկվեն 24 ուղեգրեր): Բայց այն կսկսվի ոչ թե սեպտեմբերին, այլ` մարտին: Եզրափակիչ փուլի ուղեգրեր ավտոմատ կերպով ստանալը չի լինի (եզրափակիչ մրցաշարի խաղերը կընդունեն 13 ասոցիացիաներ):

Կլինի 10 խումբ՝ 5-6 հավաքականով: Յուրաքանչյուր խմբի երկու լավագույն թիմերը դուրս կգան եզրափակիչ փուլ: Եվրո-2020-ի ևս 4 մասնակից կորոշվի մրցաշարի անցումային խաղերում` Ազգերի լիգայի խմբերի 16 հաղթողների մասնակցությամբ (բոլոր 4 լիգաների բոլոր 4 խմբերի հաղթողները):

Յուրաքանչյուր լիգա կունենա իր փլեյ-օֆֆ ֆուլը՝ 2 մեկխաղյա կիսաեզրափակիչով  և եզրափակչով: Յուրաքանչյուր փլեյ-օֆֆի հաղթող կստանա Եվրո-2020-ի ուղեգիր:

Եթե Ազգերի լիգայի խմբերի հաղթողներից մեկն արդեն դուրս է եկել  Եվրոպայի առաջնություն՝ ընտրական փուլի արդյունքում, ապա  նրա փոխարեն անցումային խաղերին կմասնակցի խմբի հաջորդ լավագույն թիմը:

Եթե լիգայում անհրաժեշտ 4 թիմերը չհավաքվեն՝ թափուր տեղերը կզբաղեցնեն ավելի ցածր դիվիզիոնի թիմերը` հաշվի առնելով Ազգերի լիգայում ընդհանուր վարկանիշը:

.