Ավստրալիայում ուղևորատար ինքնաթիռն արտահերթ վայրէջք է կատարել

Աբու Դաբիից Սիդնեյ թռչող «Etihad Airways» ավիաընկերության ինքնաթիռը արտահերթ վայրէջք է կատարել Ադելաիդա քաղաքի օդանավակայանում: Ինչպես հաղորդում է «Ռիա Նովոստի»-ն, ինքնաթիռը վայրէջք է կատարել խցիկում նախազգուշացնող ձայնային ազդանշանի գործարկման պատճառով:

Ինքնաթիռը վայրէջքը հաջողությամբ է կատարել: «Բոինգ 777»-ում եղել է 349 ուղևոր, որոնք դուրս են եկել վթարային մուտքով: Մասնագետները փնտրում են անսարքության պատճառները:

Ուղևորները Սիդնեյ կուղարկվեն այլ ավիաընկերությունների ինքնաթիռներով: