Առաջին արձագանքները բացասական են. Գերմանիան և Ֆրանսիան չեն ճանաչում Կատալոնիայի անկախությունը

Գերմանիան և Ֆրանսիան հայտարարել են, որ չեն ճանաչում Կատալոնիայի անկախությունը:

Այս մասին հայտարարել են Գերմանիայի կառավարության պաշտոնական ներկայացուցիչը և Ֆրանսիայի արտգործնախարար Ժան Իվ Լե Դրիանը: Գերմանիայի կառավարության հայտարարության մեջ մասնավորապես նշվում է, որ անխախտելի են Իսպանիայի սուվերենության ու տարածքային ամբողջականության սկզբունքները: 

Ֆրանսիայի արտաքին գերատեսչության ղեկավարի հայտարարության մեջ էլ ընդգծվում է, որ Փարիզը շարունակելու է երկխոսությունը բացառապես Մադրիդի հետ, որովհետև Ֆրանսիայի ցանկությունն է Իսպանիան տեսնել ուժեղ և միասնական երկիր: Ավելի վաղ նմանատիպ հայտարարությամբ հանդես էր եկել Մեծ Բրիտանիայի կառավարությունը, նշելով, որ ՄԲ-ն չի ճանաչում և չի ճանաչելու միակողմանի քվեարկության արդյունքում ընդունված որոշումը: