Բեռլուսկոնին վերստին մաֆիայի հետ կապերի շուրջ հետաքննության ֆիգուրանտ է դարձել
Աշխարհ
Իտալիայի նախկին վարչապետ Սիլվիո Բեռլուսկոնին վերստին մաֆիայի հետ կապերի շուրջ հետաքննության ֆիգուրանտ է դարձել:
Ինչպես հոկտեմբերի 31-ին հայտնել է Corriere della Sera թերթը, Ֆլորենցիայի դատախազությունը կրկին բացել է գործը՝ նոր նյութեր ստանալով այսպես կոչված մաֆիայի հետ պետության նախահամաձայնության դատավարության վերաբերյա: Այդ գործը քննվում էր արդեն մի քանի տարի, եւ առաջին անգամ մաֆիականների հետ ամբաստանյալների աթոռին են հայտնվել նաեւ նախկին պետական պաշտոնյաներ:
Հետաքննությունը ենթադրում է, որ պետությունն ինչ-որ կերպ կանգնած է եղել 1990-ական թվականներին Իտալիայում կատարված ահաբեկչության մի շարք ակտերի հետեւում: Մասնավորապես, Բեռլուսկոնիին, որն առաջին անգամ վարչապետի պաշտոնն զբաղեցրել է 1994 թվականին, կասկածում են այն բանում, որ նա կարող էր 1993 թվականին ռումբերի պայթուններ պատվիրել Միլանում, Հռոմում եւ Ֆլորենցիայում:
Հետաքննությունը բացելու առիթ են ծառայել «Կոզա նոստրա» մաֆիայի պարագլուխ Ջուզեպե Գրավիանոյի գաղտնալսված խոսակցությունների ձայնագրությունները, որը քաղաքական գործչի անունն է հիշատակում՝ խոսելով այդ տարիների փաստերի մասին: Գրավիանոն կալանավորվել է 1994 թվականին եւ այժմ ցմահ բանտարկության պատիժ է կրում, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
