ՀՀ ոստիկանությունը հայտնաբերել է որսի համար չթույլատրվող մեծ ճուռակի հետ լուսանկարված անձին

  EcoNews.am կայքը տեղեկատվություն էր հրապարակել, որ մի Ֆեյսբուք սոցիալական ցանցի  օգտատերը լուսանկարվել է որսի համար չթույլատրվող գիշատիչ թռչուն համարվող մեծ ճուռակի հետ և այդ լուսանկարները 2017 թվականին բեռնել է համացանց։ 

Ինչպես տեղեկացրին ՀՀ ոստիկանության հասարակայնության հետ կապի և լրատվության վարչությունից, ՀՀ ոստիկանության Ապարանի բաժնի ծառայողները պարզել են, որ լուսանկարներում պատկերված 16-ամյա Արգիշտին Ապարանի բնակիչ է։ Նա իր ծնողի հետ հրավիրվել է բաժին ու բացատրություն տվել։

Համաձայն Արգիշտիի հայտնածի,  ինքը թռչունը գտել է 2017 թվականի օգոստոսին Ապարանում։ Մի քանի անգամ լուսանկարվել է, և, քանի որ թռչունը սատկած է եղել, ուստի այն գցել է գետը։ Ոստիկանության Ապարանի բաժնում նյութեր են նախապատրաստվում։