«Կրակեմ Հրաչի» հովանավորյալը՝ ՊԵԿ թիրախում

 

Ի դեպ, որոշ տեղեկությունների համաձայն՝ Կարլեն Մկրտչյանի «կտուրը» եղել է «Կրակեմ Հրաչը»՝ Հրաչյա Հարությունյանը, ով վերջերս պաշտոնանկ արվեց ԱԾ պետական պահպանության ծառայության պետի պաշտոնից: «Նորֆոլկ Քոնսալթինգ»-ում տեղի ունեցած բացահայտումների ընթացքում կարծիքներ էին հնչում, որ «Նորֆոլկի» ապօրինությունների վերհանման գործում ԱԱԾ-ին իր օգնությունն է մատուցել հենց «Կրակեմ Հրաչը», ով մինչ «Նորֆոլկի» հիմնադրումը կուռացիայի էր ենթարկում մաքսային ոլորտը: Սա էլ արդեն երկրորդ դեպքն է, երբ թիրախում են հայտնվում Հրաչյա Հարությունյանի հետ այս կամ այն կերպ առնչվող ընկերությունն ու նրա ղեկավարը: Համաձայնեք՝ տարօրինակ օրինաչափություն է ձևավորվում…

 

Կարլեն Մկրտչյանը ժամանակին լրագրողների հետ զրույցում նույնիսկ հայտարարել էր, որ իր «կտուրը» երկրի նախագահն է, այնուհետև, հասկանալով լեզվի սայթաքման արդյունքում սպասվող հնարավոր հետևանքները, շտապել էր ուղղել իր իսկ խոսքը՝ ավելացնելով՝ «ինչպես և ձեր բոլորինը»: Բայց արի ու տես՝ թավշյա հեղափոխության հաղթանակից ամենաշատ ոգևորված գործարարներից մեկն էլ հենց Մկրտչյանն էր, ով շտապեց գովասանքի խոսքեր ուղղել թե՛ ՊԵԿ-ին, թե՛ նոր իշխանություններին, ասելով, թե «մարդ պետք է «իդիոտ» լինի, որ գոհ չլինի կատարված փոփոխություններից»: Գուցե Մկրտչյանի նման կերպարանափոխման պատճառն այն է, որ վերջինս մնացել է առանց իր երկու գլխավոր «կտուրների՞»…Ինչևէ, կատարված փոփոխություններն այնքան էլ դրական չեն անդրադառնում «Կրակեմ Հրաչի» երբեմնի հովանավորյալի վրա…

 

Ստելլա Խաչատրյան