«Իջեցրե՛ք վարձավճարները». «Մալաթիա» տոնավաճառի աշխատակիցները բողոքի ակցիա իրականացրին

ԼՈւՐԵՐ.com-ի թղթակցի հետ զրույցում նրանք նշեցին, որ իրենց պահանջը վարձավճարը 30 %-ով իջեցնելն է:

 

«Իջեցրե՛ք վարձավճարները. ուզում ենք, որ մեր առևտրին համապատասխան լինեն, որպեսզի կարողանանք վարկեր վճարել և այլ հարցեր լուծել»,- ասաց մեր զրուցակիցը: 

 

Նրանք փոխանցեցին՝ տոնավաճառի տնօրեն տիկին Զատիկյանը համաձայնել է իջեցնել աշխատավարձերի վճարները 10 000-ական դրամով, սակայն իրենք չեն համաձայնել. «Որոշակի տոկոսով պետք է իջեցնել բոլորից, քանի որ վարձավճարները ըստ տարածքների՝ տարբեր են. մարդ կա 160 000 է վճարում, նրանի՞ց էլ 10 000 դրամ պահեն, 240 000, 370 000 դրամ վճարողների՞ց էլ»,- մտահոգություն հայտնեց տոնավաճառի աշխատակիցը:

 

Ի վերջո, տոնավաճառի տնօրենը խոստացել է, օգոստոսի 1-ից մինչև մյուս տարվա մարտի 1-ը, իջեցնել վարձավճարները 20.000-ական դրամով: Նա նշել է նաև, եթե կառավարությունը իջեցնի եկամտահարկն ու  շահութահարկը, ինքն էլ կիջեցնի վարձավճարները: