Ջասթին Բիբերն իր հարսնացուին կես միլիոն դոլար արժողության մատանի է նվիրել

TMZ-ը գրում է, որ Ջասթին Բիբերը վերջերս իր ընկերուհուն՝ 21-ամյա Հեյլին առաջարկություն է արել։ 24-ամյա կանադացի երգիչը դրական պատասխան է ստացել, ու չնայած հարսանիքի պաշտոնական օրը հայտնի չէ, մոտ կանգնած աղբյուրները ենթադրում են, որ այն սեպտեմբերի սկզբին է ծրագրված։

Իր ընկերուհուն Ջասթինը ամուսնության առաջարկություն էր արել Բահամյան կղզիներում, բայց դրանից մի քանի շաբաթ առաջ նա Նյու Յորքում մտել էր Solow& Co ոսկերչական բուտիկ (ոչ բոլոր հասարակ մահկանացուները կարող են մտնել այնտեղ), որը նրան խորհուրդ էր տվել իր մենեջերը։

Ջասթինը 6 ու 10 կարատանոց ադամանդներով մատանի էր պատվիրել՝ վճարելով կես միլիոն դոլար։

Այդ մատանին բերել էին նրա հյուրանոց Բահամյան կզղիներ մեկնելու նախօրեին։