Ռոբերտ Քոչարյանը շարունակում է պնդել, որ անմեղ է․ փաստաբան

ՀՀ 2-րդ նախագահ Ռոբերտ Քոչարյանի Վերաքննիչ քրեական դատարանում բողոքի քննությունն ավարտվել է։ Այսօրվա նիստում ևս Ռոբերտ Քոչարյանը ելույթ է ունեցել ,և նա շարունակում է պնդել, որ չի ընդունում մեղադրանքը։ Այս մասին այսօր լրագրողների հետ զրույցում ասաց Ռոբերտ Քոչարյանի փաստաբան Արամ Օրբելյանը։

Փաստաբանը նշեց, որ առաջիկայում  պլանավորում են դիմել վարույթն իրականացնող մարմնին որոշակի փաստաթղթեր այդ թվում նաև ելույթից հատվածներ կամ ամողջական ելությներ վերցնելու համար։ Սակայն նա նշեց, որ սենսցիոն բացահայտումներ չեն լինի, պարզապես կլինեն պարզաբանումներ, որոնք որոշակի լույս կսփռեն գործընթացների վրա։

Անդրադառնալով դատական նիստին՝ Արամ Օրբելյանն ասաց, որ մանրամասներ չի կարող հայտնել, քանի որ դատական նիստը դռնփակ էր և պարտավորված է պահպանել գաղտնիության սկզբունքը։ 

Հարցին թե ի՞նչ հիմքեր կան դրական որոշում կայացնելու՝ Օրբելյանն ասաց․

«Ըստ էության, մենք պետք է այս գործընթացը դիտարկենք շատ կոնկրետ կանոններով իրավաբանական գործընթացի շրջանակներում։ Մեր կարծիքով, մեր գնահատմամբ, քննիչի ներկայացրած փաստաթղթերից որևէ մեկը չի ապացուցում, որ չկա պատշաճ վարքագծի խնդիր, այսինքն՝ ընդամենը ենթադրել, որ նա եղել է նախագահ, հետևաբար ունի ազդեցություն, բավարար չէ, որպեսզի ենթադրվի անձի ոչ պատշաճ վարքագիծը»։

Փաստաբանը նաև նշեց, որ խափանման միջոց չպետք է կիրառվի «եթե կան փաստարկ, որ անձը հեռանալու է երկրից ապա կարող է կիրառվել ստորագրություն երկրից չհեռանալու ամսին»։