Լուսինե Բադալյանը և Արմեն Սարգսյանը կլինեն ՔՊ-ի ցուցակում
Քաղաքական
«Քաղաքացիական պայմանագիր» կուսակցության ավագանու ցուցակում համալրումներ են եղել։ Ցանկում են ակտիվիստներ, հաղորդավարներ և դերասաններ։
Արդեն հայտնի է, որ ՔՊ-ի ցուցակը գլխավորելու է դերասան Հայկ Մարությանը։ Ցանկում լինելու են նաև թավշյա հեղափոխության ակտիվ մասնակիցներից՝ Արամ Մանուկյանը, Լևոն Զաքարյանը և Իզաբելլա Աբգարյանը: Նրանք նաև հայտնի են այլ բողոքի ցույցերի ժամանակ ակտիվ մասնակցությամբ։
Տեղեկություններ են տարածվել, որ Երևանի ավագանու արտահերթ ընտրություններում ՔՊ-ի ցուցակում լինելու են նաև հաղորդավարուհի Լուսինե Բադալյանը՝ Լուլուն և հաղորդավար Արմեն Սարգսյանը։ Նրանք ևս հեղափոխության օրերին կանգնած էին առաջին շարքերում։
ԼՈւՐԵՐ.com-ի հետ զրույցում Լուսինե Բադալյանը հաստատեց լուրը.
«Ժամանակն է գործնականում փորձել օգտակար լինել Երևան քաղաքին, ոչ միայն ստատուսների կամ ուղղակի խնդիրներ բարձրացնելու մակարդակով, այլ խնդիրներն ավելի հեշտությամբ տեղ հասցնելու և դրանց լուծմանը ձեռնամուխ լինելու համար: Գտա, որ ես պատրաստ եմ դրան»,-ասաց նա։
Մեր հարցին՝ ինչո՞ւ հենց ՔՊ, հաղորդավարուհին պատասխանեց․
«Իսկ ինչո՞ւ ոչ։ Վստահության, հեղափոխության ընթացքում համակգործակցությունների և ի վերջո գաղափարապես ավելի մոտ լինելու համար»:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
