Աշխատավարձի մի մասը «վճարվել» է ապրանքի տեսքով. «Փաստ»
Հայկական Մամուլ
«Փաստ» օրաթերթը գրում է.
ՀՀ առողջապահության նախարարության առողջապահական տեսչական մարմնի ղեկավարի տեղակալ Գոհար Փանաջյանը Բարձրաստիճան պաշտոնատար անձանց էթիկայի հանձնաժողովին ներկայացրած իր՝ 2017 թ. տարեկան հայտարարագրում գրառել է 3 միլիոն 924 հազար դրամ եկամուտներ, որոնք ստացվել են աշխատավարձից:
Ընդ որում, նույն տողի դիմաց նշված է, որ դրանից բացի 480 հազար դրամ գումար էլ ստացվել է բնամթերքի տեսքով: Արդյո՞ք սա նշանակում է, որ պաշտոնյայի աշխատավարձի մի մասը «վճարվել» է ապրանքի տեսքով, դժվար է հասկանալ:
Սրանից բացի, նա հայտարարագրել է նաև իր դրամական միջոցները, որոնք նախորդ տարվա սկզբին կազմել են 169 հազար դրամ, իսկ տարեվերջին՝ 2 հազար դրամից մի փոքր ավելի: Փանաջյանի մեկ այլ հայտարարագրի համաձայն էլ՝ նրան է պատկանում երեք անշարժ գույք՝ մեկ բնակարան և երկու հողամաս, ինչպես նաև՝ «TOYOTA VITZ 1.5» մակնիշի ավտոմեքենա:
Մանրամասները՝ «Փաստ» օրաթերթի այսօրվա համարում:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
