Անգելա Մերկելի կողմից «ցեղասպանություն» բառը չօգտագործելը կանխատեսելի էր․ քաղաքագետ

Գերմանիայի կանցլեր Անգելա Մերկելի հայաստանյան այցը պատմական իրադարձություն  էր, քանի որ Մերկելն առաջին անգամ էր պաշտոնական այցով գտնվում Հայաստանում և դեռ ամիսներ առաջ պլանավորված  տարածաշրջանային այցը տեղի ունեցավ հայաստանյան կարևոր իրադարձությունների կոնտեքստում։

Ըստ քաղաքագետ Սուրեն Սարգսյանի` Գերմանիայի կանցլերի տարածաշրջանային այցելությունը շատ կարևոր էր Հայաստանի արտաքին քաղաքականության համար։

Քաղաքագետը ԼՈւՐԵՐ․com-ի հետ զրույցում նկատեց, որ հայ-գերմանական հարաբերությունները  բավականին բարձր մակարդակի վրա են գտնվում, որովհետև Գերմանիան Հայաստանին օգնություն տրամադրող ծավալով երրորդ պետությունն է և հայ-գերմանական հարաբերությունների զարգացումը բխում է Հայաստանի շահերից։ 

«Սա կանցլերի պաշտոնական, բարձր մակարդակի այցն էր, որը նախատեսված էր հասկանալու համար՝ տարածաշրջանում ի՞նչ է տեղի ունենում, ի՞նչ բալանսավորված քաղաքականության կա այս պետությունների նկատմամբ, որովհետև այս տարածաշրջանը միշտ համարավել է ռուսական ազդեցության տակ գտնվող տարածշրջան»,-ասաց Սարգսյանը՝ հավելելով, որ այս այցելությունը բարեկամական է և Ռուսաստանի դեմ մարտահրավեր չէր։

Քաղաքագետն այս այցելությունն անհամեմատելի է համարում Վրաստանի հետ, քանի որ հարևան Վրաստանի արտաքին քաղաքականությունն ուղղված է դեպի ԵՄ, ՆԱՏՕ։

«Վրաստանին Գերմանիան 200 մլն դոլարի աջակցություն է ցուցաբերելու տարբեր ծրագրերի համար, բայց չմոռանանք, որ Վրաստանի արտաքին քաղաքական բացահայտ ուղղություններից է ԵՄ-ն, ՆԱՏՕ-ն։ Զարմանալի չէ, որ ՆԱՏՕ-ի անդամակցությանը ձգտող և ՆԱՏՕ-ին ամբողջությամբ օժանդակող Վրաստանը պետք է բացառիկ վերաբերմունքի արժանանար Գերմանիայի կողմից։ Չմոռանաք, որ Գերմանիան ԵՄ-ի լոկոմոտիվն է և դրանից է բխում ինչ-որ առումով ԵՄ արտաքին քաղաքականությունը։ Բրիտանիայի ԵՄ-ից դուրս գալուց հետո Գերմանիան ավելի ազդեցիկ պետություն է դարձել ամբողջ ԵՄ-ի համար, և այս ամենը հաշվի առնելով՝ այդպիսի վերաբերմունք է դրսևորում։ Իսկ Հայաստանը այլ պաշտպանական և տնտեսական բլոկում է գտնվում․ ՀԱՊԿ և ԵԱՏՄ  անդամ պետություն է և դեռևս երկու կառույցներում էլ ղեկավարում է, իսկ Հայաստանի իշխանությունը հայտարարել է, որ արտաքին քաղաքականության մեջ նոր շեշտադրումներ չեն լինելու։ Իհարկե, Հայաստանում ժողովրդավարական գործընթացները, որոնք սկիզբ են առել 3 ամիս առաջ կարևոր նշանակություն կարող են ունել Հայաստանի իմիջի բարձրացման համար, սակայն  կոռեկտ չեմ համարում համեմատել Հայաստանի և հարևան Վրաստանի նշանակությունը ԵՄ-ի համար»,-ասաց Սարգսյանը։

Անդրադառնալով Թուրքիայի արձագանքին՝ մասնավորապես, մտավախությանը Մերկելի կողմից «ցեղասպանություն» բառի նշելուն, քաղաքագետը նկատեց, որ Գերմանիայի կանցլերի Ծիծառանկաբերդ գնալը, ցեղասպանության զոհերին հարգանքի տուրք մատուցելը և «ցաղասպանություն» բառի չարտասանելը կանխատեսելի էր։

«Մերկելը հղում կատարեց Բունգենսթագի հայատարության վրա, ինչպես նաև 2015 թվականին ցեղասպանության մասին նախագահի խոսքին, բայց նա «ցեղասպանություն» բառը չօգտագործեց որպես իրավական գնահատական, որպես տերմին։ Դրա համար կարևոր հանգամաննքեր կան՝ Թուրքիայի ՆԱՏՕ-ի անդամ լինելը, ինչպես նաև թուրքական  համայնքի ազդեցությունը Գերմանիայի արտաքին քաղաքականության վրա։ Սա չի կարելի անուշադրության մատնել և և չի կարող ուշադրություն չդարձնել նաև Մերկելի կառավարությունը»,- նշեց Սարգսյանը։

Ինչ վերաբերում է արցախա-ադրբեջանական սահմանում լարվածությանը և դրան կանցլերի արձագանքին՝ քաղաքագետի կարծիքով այդ թեմայի շուրջ Մերկելը նոր բան չի կարող ասել․ «Նա պաշտպանում է ԵԱՀԿ Մինսկի խմբի համանախագահների գործողությունը խնդրի խաղաղ կարգավորման համար»։