Մահացել է ՀՀ մշակույթի նախկին նախարար Թամարա Պողոսյանը

69 տարեկանում՝ տևական ծանր հիվանդությունից հետո, կյանքից հեռացել է ՀՀ մշակույթի նախկին նախարար, Երևանի ավագանու նախկին անդամ Թամարա Պողոսյանը։  

Թամարա Պողոսյանը 1949թ. հուլիսի 17-ին Շամշադինի շրջանի Տավուշ գյուղում: Սովորել է 1967-1973թթ. Երևանի պետական համալսարանի կիրառական մաթեմատիկայի ֆակուլտետում՝ «Կիրառական մաթեմատիկա» մասնագիտությամբ:

Նա երկար տարիներ  պետական և քաղաքական գործունեությամբ է զբաղվել։ Եղել է «Օրինաց երկի» կուսակցության անդամ, այնուհետև «Բարգավաճ Հայաստան» կուսակցության, 2003-04 թվականներին զբաղեցրել է ՀՀ մշակույթի և երիտասարդության նախարարի պաշտոնը։ 2013 թվականի մայիսի 5-ին «Բարգավաճ Հայաստան» կուսակցության համամասնական ցուցակով ընտրվել է Երևանի ավագանու անդամ, 2013 թվականի մայիսի 30-ին ընտրվել է Երևանի ավագանու «Բարգավաճ Հայաստան» խմբակցության ղեկավար։ 2015 թվականի հոկտեմբերի 12-ին նշանակվել է «Բարգավաճ Հայաստան» կուսակցության գլխավոր խորհրդական, ինչպես նաև ԲՀԿ կանանց խորհրդի նախագահի պաշտոնակատար։