«Ժողովրդավարական ուղի» կուսակցությունը ցանկանում է Երևանի ավագանիում ունենալ 50+1% ձայն
Քաղաքական
«Ժողովրդավարական ուղի» կուսակցությունը ՀՀ կենտրոնական ընտրական հանձնաժողով ներկայացրեց Երևանի ավագանու ընտրություններին մասնակցության համար անհրաժեշտ փաստաթղթերը: Կուսակցության ներկայացուցիչ Արթուր Գասպարյանը հույս ունի տեսնել ազատ, արդար և թափանցիկ ընտրություններ:
«Մեր կուսակցությունն իրեն համարում է տեղի ունեցած հեղափոխության մի մաս: ՀՀ-ում իշխանությունը պատկանում է ժողովրդին, այդ պատճառով որոշել ենք մասնակցել այս և նաև մյուս ընտրություններին: Կարծում ենք, որ պետք է իշխանություններն ապահովեն ազատ արդար և թափանցիկ ընտրություններ»,- նշեց Գասպարյանը:
«Ժողովրդավարական ուղի» կուսակցությունը Երևանի ավագանու ընտրություններին մասնակցելու է 33 հոգանոց ցուցակով:
«Մենք հավակնում ենք 50+1 ձայնի, այդ պատճառով ոչ թե ներկայացրել ենք 195 հոգանոց, այլ 33 անդամով ցուցակ: Այն գլխավորում է կուսակցության նախագահ Մանուել Գասպարյանը»,- ասաց Արթուր Գասպարյանը:
«Մենք մեր հիմնական մրցակից են համարում «Քաղաքացիական պայմանագիր» կուսակցությանը: Պատրաստվում ենք մասնակցել նաև արտահերթ խորհրդարանական ընտրություններին»,- հավելեց նա:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
