Երևանում գեղասահքի պատանիների «Գրան Պրի»-ին կմասնակցեն 41 երկրների 220 մարզիկներ
Սպորտ
Երևանում 2018 թվականի հոկտեմբերի 8-14-ը կայանալիք գեղասահքի պատանիների «Գրան պրի» աշխարհի գավաթի խաղարկության ապահովման նպատակով Կառավարությունը Սպորտի և երիտասարդության հարցերի նախարարությանը հատկացրեց 13 մլն 360 հազար դրամ: Այդ մասին որոշումն ընդունվեց կառավարության նիստում:
Գեղասահքի միջազգային միությունը (ISU) 2018 թվականի ապրիլի 17-ի գրությամբ Հայաստանի գեղասահքի ֆեդերացիային տեղեկացրել է, որ ISU-ի խորհրդի անդամների կողմից հաստատել է գեղասահքի պատանիների «Գրան Պրի» աշխարհի գավաթի խաղարկության անցկացումը Երևանում՝ 2018 թվականի հոկտեմբերի 8-14-ը: Համաձայն ISU-ի գրության՝ նշված միջոցառման անցկացումն ապահովելու նպատակով «Գեղասահքի ֆեդերացիա» հասարակական կազմակերպությանը կտրամադրվի 100 հազար ԱՄՆ դոլար՝ մասնակիցների կեցության և վարձատրության համար:
Գեղասահքի պատանիների «Գրան Պրի» աշխարհի գավաթի խաղարկությանը մասնակցելու են 41 երկրի 220 մարզիկ, 40 մրցավար, 50 մարզիչ և գեղասահքի միջազգային ֆեդերացիայի պատվիրակությունը: Հայաստանի Հանրապետությունը հոգում է բոլոր մարզիկների սննդի, տրանսպորտի և սահադաշտի վարձակալության ծախսերը, իսկ մասնակիցների գիշերավարձը հոգում է Գեղասահքի միջազգային ֆեդերացիան:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
