Իմ ոսկորները կոտրված են, բայց դա աստվածային պարգև է․ 53-ամյա քահանա (լուսանկարներ)

53-ամյա Բհարատ Թիվարը Հնդկաստանի Մադրի Պրադեշ քաղաքից, մանկություց առեղծվածային հիվանդություն ունի․ նրա ձեռքերն ու ոտքերը խեղաթյուրված են, իսկ հասակը հինգ տարեկանից հետո չի ավելացել: Այնուամենայնիվ, նա չի բողոքում կյանքից և համարում է՝ իր բախտը բերել է և դա որպես Աստծո պարգև է։ Այս մասին պատմում է Life.ru-ն հղում անելով The Sun-ին:

5 տարեկանում Բհարատ Թիվարն ընկել է պատից: Այդ ժամանակից ի վեր, տղամարդու հասակը գործնականորեն դադարել է աճել, իսկ նրա վերջույթները սկսել են ծռվել: Տղայի ծնողները փորձել են բուժման բոլոր մատչելի մեթոդները, բայց, ցավոք, նրանցից ոչ մեկը չի օգնել: Այնուամենայնիվ, Բհարատը չի հուսահատվել և զայրացել ճակատագրից, հակառակը՝ մեծանալուց հետո նա դարձել է հոգևորական:

«Ես հավատում եմ Աստծուն և գիտեմ, որ ամեն ինչ գալիս է նրա ձեռքերում է, սա ևս Աստծուց է, և դա չպետք է վշտացնի կամ ճնշի ինձ»,-ասել է Բհարատը:

Առողջական խնդիրների պատճառով նա  չի կարողանում լիովին աշխատել, բայց Բհարատը հաճախակի այցելում է շրջակա գյուղերի բնակիչներին, որոնք նրան համարում են հին աստվածության մարմնացում:

«Տարբեր գյուղերի մարդիկ գալիս են ինձ մոտ, և իրենց հարգանքն արտահայտնում: Ոչ ոք չի ծաղրում ինձ, բոլորը հարգում են, և ես օրհնում եմ նրանց»,-նշել է նա։

Քահանայի ընկերն ասում է, որ Բհարատը չի ընդունում որևէ օգնություն և հաճախ նույնիսկ փորձում է օգնել տաճարի մյուս բնակիչներին:

Բժիշկը, որը վերահսկում է Բհարատի առողջությունը, ասում է, որ ընդհանուր առմամբ նա լավ է: Նրա հիմնական խնդիրը քահանայի ապրելակերպն է, որն ապագայում կարող է խնդիրներ առաջացնել, սակայն Բհարատը ինքն իրեն առողջ և երջանիկ է համարում: