Ճապոնացիների ամենատարօրինակ ու զավեշտալի սովորությունները

Ամանորը՝ առավոտյան

Ճապոնացիներն Ամանորը նշում են այլ կերպ: Ամանորյա գիշերը նրանք անցկացնում են մյուս գիշերների նման՝ քնում են, սակայն վաղ առավոտյան արթնանում են ու միասին դիմավորում ամանորյա արևածագը: Մեզանից ոմանք ևս դիմավորում են ամանորյա արևածագը, սակայն լիովին այլ վիճակում:

Երբեք մի ասա երբեք

Ճապոնիայի բնակիչները փորձում են երբեք չասել «ոչ» բառը: Նրանք նրբանկատորեն փոխում են թեման կամ համաձայնում են այնպես, որ այդ համաձայնությունը ոչ մի հետևանք չառաջացնի:

Հումոր

Ճապոնացիները անեկդոտներ չունեն: Դժվար է պատկերացնելը, սակայն դա իսկապես այդպես է: Սակայն նրանք բավականին հետաքրքիր հումորի զգացում ունեն:

Այցեքարտեր

Ճապոնիայում անպարկեշտ է դիտվում անձնական այցեքարտ չունենալը: Այդ պատճառով ճապոնացիներն անգամ լողավազան են տանում այցեքարտերի համար նախատեսված հատուկ ջրակայուն փոքրիկ պայուսակներ:

Հարգանք

Հարգանքը մինչ օրս Ճապոնիայում ծայրահեղականացվում է: Ձեռքսեղմման փոխարեն ճապոնացիները խոնարհվում են միմյանց: Եթե ճապոնացին որոշել է սուշի պատվիրել, և առաքիչը քաղաքավարի մարդ է, ապա այս ամենը երկար ժամանակ կխլի. պատկերացրեք, որ տանը շատ հյուրեր ունեք, իսկ նա կխոնարհվի յուրաքանչյուր հյուրի առջև: Իսկապես, քաղաքավարությունը ճապոնացիների բնավորության գլխավոր գիծն է, որով նրանք կարող են հպարտանալ:

Տրանսպորտ

Ճապոնական մետրոյում հատուկ մարդիկ կան, որոնց գործառույթը կայանում է մյուսներին «բրդելով» գնացքում տեղավորելը: Օբյեկտիվության համար հարկ է նշել, որ նման «մասնագիտություն» գոյություն ունի շատ այլ արևելյան երկրներում, օրինակ՝ Սինգապուրի մետրոյում: Շատ ճապոնացիներ սիրում են աշխատանքի գնալ ինքնագլորներով:

Հասցեներ

Ճապոնական քաղաքների փողոցների մեծ մասն անուններ չունեն: Տների հասցեները ուղղակի փորձում են նկարագրել հարևանությամբ գտնվող շինությունների օգնությամբ կամ թաղամասի ներսում արվող համարակալմամբ:

Վախ երկվորյակներից

Անցյալում Ճապոնիայում կարծում էին, որ ծնված երկվորյակներից մեկի հովանավորը սատանան է, հետևաբար, ապահովության համար, ազատվում էին երկու երկվորյակներից:

Ընտանեկան ֆինանսներ

Ճապոնական ընտանիքներում ֆինանսները տնօրինում է կինը, իսկ ամուսինն իրավունք չունի հարցնելու, առավել ևս վիճարկելու կնոջ ծախսերն ու գնումները: