Ինտերպոլի նախագահն անհետացել է

Ինչպես տեղեկացնում է ermenihaber.am կայքը, Ֆրանսիայում հետաքննություն է սկսվել Ինտերպոլի նախագահ Մենգ Հոնգվեյի անհետացման կապակցությամբ:

Ինտերպոլի նախագահի  կինը հայտնել է, որ սեպտեմբերի 29-ին Հոնվեյը մեկնել էր Չինաստան, սակայն այցի ավարտից հետո չի վերադարձել և որևէ մեկը նրա մասին մինչև հիմա տեղեկություն չունի։

Աղբյուրը հիշեցնում է, որ Ինտերպոլի նախագահը բնակվում էր Ֆրանսիայի Լիոն քաղաքում։ Նա նախկինում զբաղեցրել է Չինաստանի հասարակության անվտանգության հարցերով զբաղվող նախարարի պաշտոնը։

Ինտերպոլը առայժմ նախագահի անհետացման վերաբերյալ որևէ պաշտոնական հայտարարություն չի արել։