Մայրը երեխաների հետ 34 օր գոյատևել է ջունգլիներում և փրկվել հնդկացիների կողմից (լուսանկարներ)
Աշխարհ
Պերուական ջունգլիներում գտել են մոլորված կնոջ և երեխաների, ովքեր 34 օր սնվել են հատապտուղներով և մրգերով: Այս մասին տեղեկացնում է dailymail.com կայքը:
Նրանց անհետացման մասին հայտնի է դարձել դեկտեմբերի 19-ին: Մեկ ամսվա ընթացքում կինն ու երեխաները ջունգլիով քայլելով հատել են Էկվադորի սահմանն ու հայտնվել Պերուում: Ճանապարհին նրանք վայրի հատապտուղներ, մրգեր ու սերմեր են հավաքել ու կերել:
Տանջված ընտանիքին կարողացել են գտնել Սեկոյա ցեղի հնդկացիները: 34-օր ջունգլիներում գտնվելուց հետո կինն ու երեխաները տանջվում էին սովից ու ծարավից, նրանց մարմինները ծածկված են եղել միջատների խայթոցների հետքերով:
«Եթե մեզ մոտ ամեն 30 րոպե ջուր չէր լինում, մենք թուլությունից ընկնում էինք: Անընդհատ ստիպված էինք լինում կանգնել, աղջիկներն այլևս չէին կարողանում քայլել»,-պատմել է կինը:
Հնդկացիները կնոջ ու երեխաների մասին տեղեկացրել են պերուացի զինվորականներին, վերջիններս կապնվել են իրենց կոլումբիացի գործընկերների հետ: Դրանից հետո նրանց ետևից նավ է ուղարկվել և նրանք տեղափոխվել են Կոլումբիայի Պուերտո-Լեգիսամո քաղաք: Այնտեղ նրանց բժշկական օգնություն է ցուցաբերվել, նրանք ստուգումներ են անցել և ապաքինվում են:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
