Գտնվել է Մեգան Մարքլի նմանակը, ով պատրաստ է միջոցառումների ժամանակ փոխարինել նրան (լուսանկարներ, տեսանյութ)

ԱՄՆ Միսսուրի նահանգի 39-ամյա բնակչուհի Ակիշա Լենդին հաճախ են նմանեցնում Մեծ Բրիտանիայի արքայազն Հարիի կնոջը` Սասեքսի դքսուհի Մեգան Մարքլին, որին Instagram սոցիալական կայքում հետևում է ավելի քան 158 000 մարդ, հայտնում է Daily Mail պարբերականը: 

«Ինքս նմանություններ չեմ տեսնում, սակայն ուրիշների կարծիքը որպես հաճոյախոսություն եմ ընկալում, քանի որ նա հրաշալի կին է: Ես միշտ կատակում եմ, որ ինձ պետք է ծանոթանալ նրա ներկայացուցիչների հետ: Նրանք պետք է իմանան, որ ես պատրաստ եմ միջոցառումների ժամանակ նրա նմանակը լինել»,- ասել է Ակիշան:

Ինստագրամյան հրապարակումներից մեկում կինը խոստովանել էր վերջերս, որ ամուսնու հետ ամուսնալուծության եզրին են գտնվել, սակայն եկեղեցի այցելելու և հավատի շնորհիվ զույգը կարողացել է փրկել ամուսնությունը: