Մահացել է Cox Enterprises մեդիա-կայսրության ժառանգորդուհի Էնն Քոքս Չեմբերսը

Cox Enterprises-ի ժառանգորդուհի Էնն Քոքս Չեմբերսը, ով քրոջ հետ միասին դարձել էր մեդիա-կայսրության ղեկավարը, ինչպես նաեւ մի ժամանակ ԱՄՆ դեսպանն էր եղել Բելգիայում, 100 տարեկան հասակում մահացել է Ատլանտայում իր տանը, հայտնում է CNN-ը։

Չենբերսը քրոջ՝ Բարբարայի հետ միասին 1970-ականներին դարձել էր Cox Enterprises մեդիա-կայսրության սեփականատերը, որի կազմի մեջ մտնում էին թերթ, ռադիո եւ հեռուստաալիքներ։ Cox Enterprises-ը հիմնադրել էր նրանց հայրը՝ Օհայոյի նախկին նահանգապետ Ջեյմս Մ․ Քոքսը։

Forbes-ի գնահատականներով՝ Էնն Քոքս Չեմբերսի կարողությունը 2016-ին կազմում էր 17 մլրդ դոլար։ Երկու տարի անց նա ճանաչվել էր Ջորջիա նահանգի ամենահարուստ մարդը։

Չեմբերսը ծնվել է 1919թ․ դեկտեմբերին՝ Դեյթոնում, երբ նրա հայրը երրորդ անգամ էր վերընտրվել Օհայոյի նահանգապետ։

1973թ․ նա առաջին կինն էր Ատլանտայում, որ զբաղեցրեց բանկի տնօրենի պաշտոն՝ Ֆուլտոնի ազգային բանկում։

Նա նաեւ ակտիվ քաղաքական դեմք էր, եւ 1976թ․ աջակցելով Ջիմի Քարտերի թեկնածությունը՝ 1977թ․ նշանակվել էր Բելգիայում ԱՄՆ դեսպան։