Time-ի շապիկին է հայտնվել Սի Ցզինպինի նկարը՝ բժշկական դիմակով

ՉԺՀ-ի նախագահ Սի Ցզինպինի՝ բժշկական դիմակով նկարը կհայտնվի Time շաբաթահանդեսի նոր համարի շապիկին: Այդ մասին հրատարակությունը փետրվարի 6-ին հայտնել Է իր Twitter-ում:

Առաջնորդողում բերված են երեք հոդվածների վերնագրերը, որոնք նվիրված են նոր կորոնավիրուսի հարուցած թոքաբորբի համաճարակին եւ Չինաստանի համար դրա հնարավոր քաղաքական ու տնտեսական հետեւանքներին՝ «Չինական թեստ», «Կանխելով հաջորդ բռնկումը», «Տնտեսական սպառնալիք»: Բացի այդ, թվիթում հղում Է արված «Կորոնավիրուսի տարածումը կարող Է վերջ դնել Չինաստանի դարաշարջանի վերաբերյալ Սի Ցզինպինի երազանքներին» վերտառությամբ հոդվածին: ՉԺՀ-ի Հիգիենայի եւ առողջապահության հարցերի պետական կոմիտեն փետրվարի 6-ին հայտնել Է, որ Չինաստանում 2019-nCoV նոր կորոնավիրուսով վարակման դեպքերի քանակը գերազանցել Է 28 հազարը, 563 մարդ մահացել Է, 1153-ն՝ ապաքինվել: Կենտրոնական իշխանությունների տվյալների համաձայն՝ երկրում կարանտինի մեջ Է գտնվում ավելի քան 186,3 հազար մարդ: Վարակման առավել մեծ թվով դեպքերը՝ 19,6 հազար, Հուբեյի նահանգում են: Այնտեղ մահացել Է 549 մարդ, դուրս են գրվել 633-ը: Չժեցզյանի եւ Գուանդունի նահանգներում (վարակման 895-ական դեպքեր) վիրուսից մահեր չեն արձանագրվել, ըստ որում համապատասխանաբար 46 եւ 78 մարդ ապաքինվել Է:

Պեկինում (վարակման 253 դեպք) մահացել Է մեկ մարդ: Համաշխարհային հանրակցությունը չպետք Է չափազանցված միջոցներ ձեռնարկի՝ խթանելով համընդհանուր խուճապի աճը եւ ապակայունացնելով միջազգային փոխգործակցությունը 2019-nCoV վիրուսի հարուցած թոքաբորբի ֆոնին, հայտարարել Է ՉԺՀ-ի ԱԳ նախարարության պաշտոնական ներկայացուցիչ Հուա Չունյինը եւ հավելել, որ դա կհանգեցնի միայն բացասական հետեւանքների: Դիվանագետի խոսքով՝ Չինաստանի իշխանություններն արդեն դժգոհություն են հայտնել առանձին պետությունների, որոնք փաստորեն իրենց գործողություններով խախտում են տրանսպորտային հաղորդակցությունը եւ վիժեցնում առեւտրատնտեսական կապերը Չինաստանի հետ:

Չինացի մասնագետները ռեմդեսիվեր հակավիրուսային պատրաստուկի կլինիկական փորձարկումներ են սկսել Ուհան քաղաքի Ցզինինտան հիվանդանոցում: Նրանք հետազոտում են պատրաստուկի արդյունավետությունը կորոնավիրուսի դեմ պայքարում: Փետրվարի 6-ին այդ մասին հայտնել Է «Ժենմին ժիբաո» թերթը: Հրատարակության տվյալներով՝ փորձարկմանը մասնակցում են 453 հիվանդ օրհասական վիճակում եւ 308-ը՝ սակավ ծանր ախտանիշներով: Դեղամիջոցի թեստավորման հայտին հավանություն են տվել ՉԺՀ-ի գիտության եւ տեխնիկայի նախարարությունը, Առողջապահության գործերի պետական կոմիտեն եւ Դեղամիջոցների հսկողության պետական վարչությունը, հաղորդել Է ՏԱՍՍ-ը:

Այս թեմայով Արցախում մշակութային ցեղասպանությունն անխուսափելի է․ Time-ի հոդվածը