Կորոնավիրուսը մեծ թափ է ստանում Ճապոնիայում

COVID-19 կորոնավիրուսի հարուցած թոքաբորբ է հայտնաբերվել Diamond Princess ճամփորդանավի եւս 34 ուղեւորների եւ նավում աշխատող կարանտինային ծառայության մեկ աշխատակցի մոտ, ճամփորդանավ, որը երկշաբաթյա կարանտինի է կանգնած Իոկոհամա նավահանգստում: Փետրվարի 12-ին այդ մասին լրագրողներին հայտնել է Ճապոնիայի առողջապահության, աշխատանքի եւ բարեկեցության նախարար Կացունոբու Կատոն:

Այսպիսով, Diamond Princess-ում կորոնավիրուսով վարակվածների ընդհանուր թիվը հասել է 175-ի: Վարակվածների թվից չորս հոգի գտնվում է ծանր վիճակում եւ տեղափոխվել է ինտենսիվ թերապիայի բլոկներ, հաղորդել է ՏԱՍՍ-ը: