Քարաշամբ համայնքի ղեկավարը հրաժարական է տվել
Հասարակություն
Հրաժարականի դիմում է ներկայացրել Քարաշամբ համայնքի ղեկավարը։ Այս մասին հայտնում է Կոտայքի մարզպետարանի ֆեյսբուքյան էջը։
ՀՀ Կոտայքի մարզի Քարաշամբ համայնքի ավագանուն հրաժարականի դիմում է ներկայացրել համայնքի ղեկավար Զորիկ Խլղաթյանը:
Ղեկավարվելով «Տեղական ինքնակառավարման մարմնի մասին» օրենքի 18-րդ հոդվածի 1-ին մասի 14-րդ կետի և 26-րդ հոդվածի 1-ին մասի 1-ին կետի պահանջներով, ինչպես նաև հիմք ընդունելով Քարաշամբ համայնքի ղեկավար Զորիկ Խլղաթյանի դիմումը՝ Քարաշամբ համայնքի ավագանին 2020 թվականի սեպտեմբերի 15-ի որոշմամբ վաղաժամկետ դադարեցրել է ՀՀ Կոտայքի մարզի Քարաշամբ համայնքի ղեկավար Զորիկ Խլղաթյանի լիազորությունները:
Արտահերթ նիստի ընթացքում ավագանին արձանագրել է հրաժարականը և օրենքով սահմանված կարգով դիմել Կոտայքի մարզպետի պաշտոնակատարին:
Մարզպետի պաշտոնակատարը սահմանված ժամկետում, համաձայն «Տեղական ինքնակառավարման մարմնի մասին» օրենքի 26-րդ և 27-րդ հոդվածների, կնշանակի համայնքի ղեկավարի պաշտոնակատար՝ մինչև համայնքի ղեկավարի արտահերթ ընտրություն։
Հիշեցնենք, որ Զորիկ Խլղաթյանը Քարաշամբ համայնքը ղեկավարում էր 1996 թվականից՝ շուրջ 24 տարի:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
